Mundartsymposium Bosener Mühle : Dorner-Wenzlik

Elisabeth Dorner-Wenzlik, geb. 1949 in Lintach bei Amberg/Oberpfalz, wohnt heute in Amberg.

Leben und Werk

Sie veröffentlichte Theaterstücke für Laienbühnen, den Gedichtband "Löcher im Nest" (Oberpfälzer Mundart), Gedichte sowie Erzählungen in Zeitungen, Literaturzeitschriften und im Rundfunk.

(Daten der Biografie aus dem Zeitstand des Symposiums)

Beiträge zum Symposium

A Stückl von da »Straße der Skulpturen«

...Auf da Wiesn

liegt a ziemlich graoßa

Fouß.

A halberts Gwand,

oo-brocha

stäiht s alloa

in n Himml affe.

A anderna vo dene

Stoana

schneidt ma

a Stückl Landschaft

assa. Schafft ma

a Bildl. D Richtung

is festglegt. Niat

s Weda! Niat

dSchläihawolkn! Niat

da Nammidooch!

I kann aa ummegäih

und Postkoartn

Postkoartn sa

Laossn

.

Und Benk

is dao:

a Buugl

wao vül

aushalt.

Vo dene BIazz aus

schaua - in jederne

Richtung, mi

drahn, an Bodn

unta de nackatn Zäiha

zruck und vire und umme

maaln

in Mundart

wäi ansa kloana.

Buugl = Buckel, Rücken

Blozz = Plötze
Oberpfälzer Mundart

A kloans Dohoom

für mi alloa

acht Dooch lang

in da Bosner Mühl:

a Küch, a Bad,

a Zimmer zum Wohna,

zum Schlaofa.

Zum Schreibn.

Am Schrank hängt

zum Auslüftn

mei rouda Pullowa

(- ganz mund-artig).

s Läicht vom Kirschbaam

summt durchs offene

Fenster, schmeißt

a Gedicht auf

mei Blaadl Babbia.
Zammakumma Ringelreia am Erschden Mai

Fremdln.- Du-soogn.

Hoamwäih. Es is niat

as Gleiche:

i und du.

Niat überanandher-, niat

aufanandeina-, niat

inanander-, niat

zammafalln:

i und du.

Niat so leicht

soogn: mia.

Mei Trommlfell wird

gstimmt: Laut broatst

du di aus

in meinm Koopf.

Staad so.

Hurcha.

A Wort finna. Im Hools

zittert os eigene

Wort. Schafft ma Plootz

in mir selber.

's erschte Mal durchgschlaofa

heut nacht

in da Mühl.

Ringelreia am Erschtn Mai

Aus am Stoa gschlogn:

a Diisch.

Mia hocka umme,

s leichte Weinglasl

schwaa

in da Hend:

Sooch

wos

ins Mikrofon! Wos leichts!

I bin ganz

Hend

und Weinglasl.

I fürcht des

was se

leicht gibt.

D Glasln

stehnga auf m

stoanern Diisch

a weng schäpps.

Ringlreia

klinga s d Glasln.

I gfrei me über

des was se

leicht gibt.

In da Hend

griwwlt s.

Im Hools.

schöpps = schief

Elis Dorner-Wenzlik

Leben und Werk

Beiträge zum Symposium