Beiträge zum Symposium

• Sei erschte Schuh
  ×

  Sei erschte Schuh

  ---

  Es war im Summer vor drei Johr do ham mer uns getraut. Du warsch jung und du warsch scheen Hasch mich so geliebt oh yeah Das war im Summer vor drei Johr. Un jetz is es fascht e Johr her, do hat’s gehäß „e Buh is do“ Un der sieht genau wie ich aus un macht nono, nono, noh Un der sieht genau wie ich aus – yeah, yeah, yeah oh ho un macht nono, nono, noh Met de Händcher greift er alles an un steckt manches in de Mund Er macht winke, winke, bitte, bitte, bitte, bittescheen, ach wie groß is das Kind? Er macht winke, winke, bitte, bitte, bitte bittescheen, ach wie groß is das Kind? Er hat schun sei erschte Zähn, un saat Papa oder so. Sei erschte Schuh, die ha mer gestern - fa ne kaaf, un er schteht schun wackelig do. Sei erschte Schuh, die ha mer gestern - fa ne kaaf, un er steht schun wackelig do. Was werd uns die Zeit noch bringe, bis der Kleene werd e Mann? Wa mer fest zusammenhalle, yeah, yeah, yeah, yeah, yeah, jo dann fecht uns kenner an. Wa mer fest zusammenhalle, yeah, yeah, yeah oh no, jo dann fecht uns kenner an Nonononoh, nonononoh, nonononoh, nonononoh Text und Musik: Johannes Lapré

  Schließen
• Eier Bund
  ×

  Eier Bund

  ---

  
  Ich war d’bei - wie de gebor bischt un han der Vieles beigebrung Mer han geschpielt, gefror un ah geschwitzt du hascht getanzt, geheilt, gesung. Ich han der hoffentlich - de rechte Wäh gewies, Un han der gut erklärt, was werklich zählt. Du kannsch’ jetz steh’n - alleen uf eigne Fies, du kannsch’ jetz geh’n in dei eigene Welt. Ich war immer fa dich Vorbild, ich bin dei Papa un dei Halt.  Mer ware e Team, das ingeschwor war, wie e Bund, der fescht zusammenhalt. Ich war immer fa dich Vorbild, ich bin dei Papa un dei Halt.   Mer ware e Team, das ingeschwor war, wie e Bund, der fescht zusammenhalt. Dei Herz geheert jetz - eneme Annere, auf denne du bauscht, dem du vertraust. Ich bitt’ Dich lieber Gott - um Dei Sege, Un breit Dei Mantel fa se aus! Ich war immer fa dich Vorbild, ich bin dei Papa un dei Halt.   Mer ware e Team, das ingeschwor war, wie e Bund, der fescht zusammenhalt. Ich war immer fa dich Vorbild, ich bin dei Papa wa dei Halt. Fa eich Zwä wolle mer bäte, dass eier Bund fa immer halt, dass eier Bund fa immer halt, dass eier Bund fa immer halt! Text und Musik: Johannes Lapre

  Schließen
• Märche
  ×

  Märche

  ---

  Was iss es? Nee war es? Was? E modernes, romantisches, scheenes Märche,      e Märche, e Traum, e Märche, e Traum Awwer Treim ka mer nett fasse, nett greife, vielleicht hasse? In geschtohlene Stunne hat es e „Mer“ gäb, e Friehstick met Blume in bunte Farwe Oh, wie all die Farwe veblasse, zum e stumme Novemberdaa werre Bisch du nett bei mer. Unser Märche, unser Märche, unser Märche Was iss es? Nee war es? Was? E modernes, romantisches, brutales Märche, e Märche, e Traum, e Märche, e Traum Mei Treim met der zu vebinne, das losst se platze wie Säfeblose. Geh in die Märchewelt - dei heile Loss dich in Schranke hemmungslos treiwe Dann bisch de frei nur fa dich E Herrscher fa viele - awwer nimmie, nimmie fa mich. Unser Märche, unser Märche, unser Märche Dann bisch de frei, frei nur fa dich E Herrscher fa viele - awwer nimmie, nimmie fa mich. Unser Märche, unser Märche, unser Märche Unser Märche, unser Märche, unser Märche Unser Märche, unser Märche, unser Märche
  Text und Musik: Johannes Lapré

  Schließen
• Mausi
  ×

  Mausi

  ---

  Es is schun e paar Johr her, do han ich dich gesiehn Du warst das schenschte Mädche, mei saalännischi Queen Kurz druff han mer geheirat, die zwee Kinner sinn schunn groß Un trotzdem schlaan die Flamme zwische uns noch himmelhoch. Unser Lewe war immer ziemlich gut Wann ich emol unne bin, machsch du mer wider Mut Wann das so weitergeht, geb ich dich nimmi her Ich liebe dich se saan, fallt mer bei der net schwer. Du saasch Mausi - un ich saan Schatz Zwische deer un meer is far Annere kenn Platz   Far a Fraa wie du bisch, gebs ken Ersatz Du saasch Mausi unn ich saan Schatz Es is Sunnda, mer sin alleen Du kochsch de Kaffee un ich fiehl mich ganz deheem Met zarter Stimme rufsch du „Komm her zu mer“ Das klingt wie Musik fa mich un ich folge der Du guchsch mer in die Aue unn greifsch mich an Dann wäß ich - oh verdammt, es fangt gleich an Was dann passeere dut, geht nur uns zwee was an Du bisch mei Traumfraa, Baby un ich dei Mann Du saasch Mausi - un ich saan Schatz Zwische deer un meer is far Annere kenn Platz   Far a Fraa wie du bisch, gebs ken Ersatz Du saasch Mausi unn ich saan Schatz Du saasch Mausi - un ich saan Schatz Zwische deer un meer is far Annere kenn Platz   Far a Fraa wie du bisch, gebs ken Ersatz Du saasch Mausi unn ich saan Schatz  Text und Musik: Johannes Lapre

  Schließen
• Hinner de Sun
  ×

  Hinner de Sun

  ---

  Ich such e echter Freind fa mich, der mich veschtehe kann Der mer zuhert un met mer fiehlt, dem ich vertraue kann. Der immer do, wann ich ne brauch, un ich ne „Mei Freind“ nenne kann, Hinner de Sun, hinner de Sun Hinner de Sun, hinner de Sun Schwätze will ich viel met em, erkunne unser Land, Was fremd is lerne, renne, stehn un net se baue uff Sand Ich will ne frohe wie ’s weitergeht un wie ma läwe kann  Hinner de Sun, hinner de Sun Hinner de Sun, hinner de Sun „Mei Freind, wo bisch Du?“ Ich ruf’ s enaus ins Land „Steh uff unn zeich Dich mer Un geb mer fest dei Hand“  Hinner de Sun, hinner de Sun Hinner de Sun, hinner de Sun E Freind is fa mich es Wichtigste, was ich jetz brauche kann  Er steht zu mer, wie ich zu ihm, uns halt e feschtes Band Ich han ne grad gefunn, als ich das do ne Lied ersann Hinner de Sun, hinner de Sun Hinner de Sun, hinner de Sun Hinner de Sun, hinner de Sun Hinner de Sun, hinner de Sun  Text und Musik: Johannes Lapré

  Schließen
• Was sin mer?
  ×

  Was sin mer?

  ---

  De Himmel is klar, iwerall leichte die Schterne unser Gedanke schwewe frei durch Raum und Zeit Mer kenne frei atme un Freiheit erläwe    un fiehle - unser Enn is noch weit Was sin mer Mensche?   Emol garnix im All un de Zeit, Emol Alles fa de Annere un de Aueblick.  E Haufe aus Fläsch un aus Blut,  Awwer beseelt durch de Geist, der de Unnerschiet mache dut. Die Mensche iwerlehe seit ewiger Zeit  un frohe - was werd emol sinn? Wa mer nimmie läwe - so wie heit, wann nur die Knoche iwwerich sinn?    Was sin mer Mensche?    Emol garnix im All un de Zeit, Emol Alles fa de Annere un de Aueblick. E Haufe aus Fläsch un aus Blut,    Awwer beseelt durch de Geist, der de Unnerschiet mache dut. Leichtes Schwätze – ohne se antworte. Mei Lieder sin fa nimand Religion. Awwer Hoffnung helft selbscht an de finsterschte Orte Sunscht wär unser Läwe ohne Lohn.  Was sin mer Mensche? Emol garnix im All un de Zeit, Emol Alles fa de Annere un de Aueblick. E Haufe aus Fläsch un aus Blut,   Awer beseelt durch de Geist, der de Unnerschiet mache dut. Was sin mer Mensche, was sin mer? Was sin mer Mensche? Garnix im All un de Zeit. Was sin mer? Alles fa de Annere un de Aueblick. Was sin mer? E Haufe aus Fläsch un aus Blut. Was sin mer? De Geist isses, der de Unterschiet mache dut. Das sin mer Mensche, das sin mer.  Text und Musik: Johannes Lapré

  Schließen
• Sing un spiel un danz
  ×

  Sing un spiel un danz

  ---

  Nur im Traam is die Welt um dich erum ganz in Ordnung Du baust Schlesser aus Luft, in dene du spaziere gehsch Es gefallt der dich se siehn, du bisch enner vun de Große Un kenner kommt uff de Sockel uff dem du dich siehsch. Wann de dann wach werscht, stehsch du de Realität geniwwer, die Aijer, Vedruss un Tiefschläh met sich bringt Awwer ah Freid un Lob fa dei Schaffe; e bissje z’friede bisch de doch met de Welt Drum sing un spiel un danz aus voll’m Herz, Es Läwe iss doch miehsam genug! Loss der bloß vun Kennem - dei Frohsinn nämme, well sunscht wär’ dei Dosinn fa dich nur Betrug! In unsrer Gesellschaft do messt ma no Leistung. Das iss e Skala, die sicher gerecht. Es zählt nett nur Herkunft, awwer Chancengleichheit gebt es a heit noch in Werklichkät nett. Drum sing un spiel un danz aus voll’m Herz, Es Läwe iss doch miehsam genug! Loss der bloß vun Kennem - dei Frohsinn nämme, well sunscht wär’ dei Dosinn fa dich nur Betrug! Das Strehwe no enemme hohe Wert uff de Skala bezahle mer met enemme große Verlust An Freindschaft, Zufriedesinn, Glick unn Gesundhät, unterleije m Ärjer, ‘m Stress un ’m Muss Drum sing un spiel un danz aus voll’m Herz, Es Läwe iss doch miehsam genug! Loss der bloß vun Kennem - dei Frohsinn nämme, well sunscht wär’ dei Dosinn fa dich nur Betrug! Sing, spiel, danz aus vollem Herz
  Text und Musik: Johannes Lapré 

  Schließen
• Warte
  ×

  Warte

  ---

  Warte uf annere – was e unneetig Zeit, was kennt‘ ma mache währendem? Ma laaft dumm rum, steht sich die Fieß bis in de Leib un guckt zu, wie die Zeit rumgeht. Ma laaft dumm rum, steht sich die Fieß bis in de Leib un guckt zu, wie die Zeit rumgeht. Es wa’ doch abgemach, dass jeder pinktlich is, ich wa’ a’ wie verabredt’ do Un han mich so gefreit – jetzt krien ich langsam Schiss. Ich hoff es is nix passiert oder han die mich vielleicht beloh? Vun de Minut zu ner Minut - werd ma nerveser. Die Uhr tickt als weiter vor sich hin. Ma guckt no de Zeier - immer efter. Was kommt denne Annere bloß in de Sinn? Ma losst ennem do ganz enfach hänge. Langsam werd mer agressiv. Do biehe se grad um es Eck erum – ma atmet uff – do sinn se schun. Do biehe se grad um es Eck erum – ma atmet uff – do sinn se schun. Oho, oh, dodododododo, do, dododo, dodo, do, do
  Text und Musik: Johannes Lapré

  Schließen
• Wese voller Mischt
  ×

  Wese voller Mischt

  ---

  Ich war noch winzig voll met Schpeck Wie ich ’s Licht vun de Welt gesiehn, Schun domols han se mich verschreckt un ich han gleich geschriehn. Wo ich herkomm han ich nett gewisst, mei Eltere sicherlich schon. Ich wa e Wese voller Mischt Vun de Liewe - vun de Eltere de Lohn. Wese voller Mischt - sa mer wer de bischt! Un wie ich dann greßer wor bin, Han ich in die Schul gemiss. Die Lehrer han ich oft gefroot Wie das met dem Sinn vum Läwe is. Wat‘ ab bisch du erscht älder bischt, dann erkennsch du schun vun selbsch. Du bisch kee Wese voller Mischt, du, du bisch e Mensch. Wese voller Mischt - sah ma wer de bischt! 1.   Manchmol froh ich mich noch heit woher, wofohr, wohin? Manchmol macht ah heit fah mich, das Läwe ga ken Sinn. Hoffnung un Liewe sin uf meiner List Un mei Glaawe macht mer Mut Un deshalb läwe ich als Christ, Well sich do Tod - met neiem Läwe vebinne dut. Wese voller Mischt - sah ma wer de bischt! Wese voller Mischt - sah ma wer de bischt Text und Musik: Johannes Lapré

  Schließen
• Is de Himmel a dei Ziel?
  ×

  Is de Himmel a dei Ziel?

  ---

  Ieb’ Siehne, Reie un Nächsteliewe Nutz die der vun Gott gebne Talende Tusch du es nett, dann kriesch de Hiewe. Geh’ in die Kerch un bet - bis an dei Ende! Un kommsch de dann emol in de Himmel, glaab mer, dann freisch du dich An deiner Leich do zehrt jetz Schimmel, awwer dei Seel, die is noch frisch Iss de Himmel a dei Ziel? Dann fieg dich gut un bät a viel! Es kommt de Da, wo de Himmel sich zeiht Unn dei Seel aus deiner Leich uffsteiht. Un met de Engele spielsch’de Fange, met dene du a gäre fliehscht. Met enanner schloofe kannsch’e nett verlange, well de gar kee Kerper meh dort siehscht. Iss de Himmel a dei Ziel? Dann fieg dich gut un bät a viel! Es kommt de Da, wo de Himmel sich zeiht Unn dei Seel aus deiner Leich uffsteiht. Un wann mer dann dort owwe singe vun Wein, Weib un Vergangeheit Mer bringe die Musik zum klinge. Mer sin jetz in de Selichkeit. Iss de Himmel a dei Ziel? Dann fiech dich gut un bät a viel! Es kommt de Da, wo de Himmel sich zeiht Unn dei Seel aus deiner Leich uffsteiht.
  Text und Musik: Johannes Lapré 

  Schließen
• Touchdown in Deitschland
  ×

  Touchdown in Deitschland

  ---

  Ich han mich grad erst ingecheckt, mei Koffer iss schun ford Security wa ah perfekt un jetz gehn ich an Board Die Schtuadess saat „Welcome Sir, would care for a glass Champaign“ Un ich saan heflich „Yes, of course“ well jetz gehts endlich heem. Fernweh unn Heemweh II: Ich flieh wie meistens Business Class met Video innem Sitz Die Schtuadess bringt noch e Glas, ich han schun fast e Schwips Jetz fiel ich mich doch ganz alleen, so zwischem Himmel un’em Meer Doch jed Minut die bringt mich jetz e Stick Wegs näher heem zu deer. Fernweh un Heemweh - zwische deheem un de Welt Fernweh un Heemweh - wann s häßt „Fasten Seat Belt“ De Flieger flieht weiter, bringt mich näher zu der         Touchdown in Deitschland E Schtuat deckt mer fein de Tisch, als Wein trink ich Merlot Zum Esse wähle ich de Fisch, zum Käs gebt’s e Bordeaux Im Video laaft grad a Film, zwä gewwe sich a Kuss Du kommsch mer sofort in de Sinn, ich speer’s vun Kopp bis Fuß Fernweh un Heemweh - zwische deheem un de Welt Fernweh un Heemweh - wann s häßt „Fasten Seat Belt“ De Flieger flieht weiter, bringt mich näher zu der         Touchdown in Deitschland - un du stehst vor mer. Im Flieger brennt jetz kaum noch Licht, die Musik kommt ganz intensiv Ich speere Träne iwwer meinem Gesicht, Gefiehle sitze nun mol tief Was wär das scheen, du wärsch jetz do un gäbsch ma fescht dei Hand E Sunnestrahl blitzt irgendwo un ich siehn endlich Land Fernweh un Heemweh - zwische deheem un de Welt Fernweh un Heemweh - wann s häßt „Fasten Seat Belt“ De Flieger flieht weiter, bringt mich näher zu der         Touchdown in Deitschland - un du stehst vor mer. Fernweh un Heemweh - zwische deheem un de Welt Fernweh un Heemweh - wann s häßt „Fasten Seat Belt“ De Flieger flieht weiter, bringt mich näher zu der         Touchdown in Deitschland - un du stehst vor mer.
  
  Text und Musik: Johannes Lapre

  Schließen
• Funz’l Blues
  ×

  Funz’l Blues

  In Betschbach down town is a Kneip ganz versteckt De Ingang vun hinne, ma find ne fast nett Awwer wann de erst drin bisch, fielsch de dich wie deheem Es is nett groß awwer urig, so richtig scheen. Sechs Sorte Bier, jeder krieht was em schmackt Bei Chablis Premier Cru is schun mancher versackt Un hat ener Hunger, es Katja kocht werklich super Salad oder Gulasch, ’s is wie deheem bei de Mutter In unserer Funz’l, mitte im Ort Do brennt immer Licht, do laaft kenner fort In unserer Funz’l, do trefft mer die Leit Do kammer noch schwätze, do hat mer noch Zeit. Un dann die Gespräche, meist alltägliche Sache Iwwer Fußball un Autos un Witze zum Lache Manchmol Mitte in de Nacht spielt enner Schifferklavier Un jeder macht met, komm zapp noch a Runde Bier. In unserer Funz’l, mitte im Ort Do brennt immer Licht, do laaft kenner fort In unserer Funz’l, do trefft mer die Leit Do kammer noch schwätze, do hat mer noch Zeit. Laurent, geb Gas! In unserer Funz’l, mitte im Ort Do brennt immer Licht, do laaft kenner, laaft kenner, laaft kenner - Funz’l, do trefft mer die Leit Do kammer noch schwätze, do hat mer noch Zeit.  Du treffscht die Stars aus de Szene, de Heinz Becker vorneweg Manager aus Frankfurt, vun de Boutique die Babette Bisch mitte drin im Dreiwe vun unserem Ort Ma trefft sich in Betschbach, ich geb der mei Wort In unserer Funz’l, mitte im Ort Do brennt immer Licht, do laaft kenner, laaft kenner fort In unserer Funz’l, do trefft mer die Leit Do kammer noch schwätze, do hat mer noch Zeit. Text und Musik: Johannes Lapre
  

  Schließen
• Am Owend devor
  ×

  Am Owend devor

  ---

  Am Owend devor ging’s richtig gut ab Mer han gefeiert im Freindeskräs   Un han viel gess un viel getrunk a Han viel gelacht un gebaad im Schwäß Awwer de näkschte Daa, wann dann de Kater Uns in die miede Knoche sackt Schwere mer jedesmol insgehäm uns selwer Das mache mer net noch emol ah wann’s uns geschmackt Feiert mei Freinde, freit eich und feiert! Was nutzts wann’s nur vum Vestand gelenkt Wer wäß schun was es Morje fa eich hat Feiert mei Freinde, feiert unn singt! Der Refrain met dem Feiere klingt wie e Misston Wann ich mei Knie bis uff de Bodde bieg Un flehe um Hilfe aus meine Nöte Do feiert de Rotwein iwwer die Krabbe de Sieg E pa Daa später wisse mer nimmie Wie schlecht und iwell ’s uns letschdens wor Mer ziehe zum näkschte Fescht met de Freinde Un ’s schmackt uns wie letschtens Am Owend devor! Feiert mei Freinde, freit eich und feiert! Was nutzts wann’s nur vum Vestand gelenkt Wer wäß schun was es Morje fa eich hat Feiert mei Freinde, feiert unn singt! Feiert mei Freinde, freit eich und feiert! Was nutzts wann’s nur vum Vestand gelenkt Wer wäß schun was es Morje fa eich hat Feiert mei Freinde, feiert unn singt! Text und Musik: Johannes Lapré

  Schließen
• Weihnachte
  ×

  Weihnachte

  ---

  Wann’s drauße froschtig werd un de Himmel is ganz groh Iwwerall brennt dann Licht un die Mensche werre froh Schneeflocke danze leicht, de See is zugefrohr Ich wäß jetz is Weihnachtszeit, die schennscht Zeit im Johr. Weihnachte, Weihnachte, das is mei Zeit Wann Alles friedlich werd, dann mach ich mich bereit Denk an mei Kindheit z’rick als wär es grad heit Die schenscht Zeit im Johr fa mich, is die Weihnachtszeit. Es riecht dann im ganze Haus no Läbkuche, Mandarin, No Gliehwein und Mandelkern, wer hat‘s Krischtkind gesiehn Kuchele un Engelscher hänge an de Wand Die Kerze fange ze brenne an, es werd Fried im ganze Land. Weihnachte, Weihnachte, das is mei Zeit Wann Alles friedlich werd, dann mach ich mich bereit Denk an mei Kindheit z’rick als wär es grad heit Die schenscht Zeit im Johr fa mich, is die Weihnachtszeit. Die Mensche werre ruicher jetz un denke eftersch no Wo is dann das Ganze hin un wie werds näkschde Johr Die Lieder vum Chrischtuskind klinge aus voller Kehl Es werd Stille Nacht, Heilige Nacht ganz tief in unsrer Seel. Weihnachte, Weihnachte, das is mei Zeit Wann Alles friedlich werd, dann mach ich mich bereit Denk an mei Kindheit z’rick als wär es grad heit Die schenscht Zeit im Johr fa mich, is die Weihnachtszeit.
  Text und Musik: Johannes Lapre

  Schließen
• Awwer renne is vorbei
  ×

  Awwer renne is vorbei

  Was wa das fa e Vollgaszeit - vum erschte Da, bis ganz zuletzt. Ich han viel gäb un han a viel erreicht, bin durch die ganze Welt gehetzt. Traf viele Tausend, manche ware gut, doch han se sich oft net getraut. Fa was ich getan han, brauchte ich immer Mut han nur mer selbst un engste Freinde v’traut. Wohin mei Weg mich fiehrt Die Ziele sin jetz nei Ich han alle definiert Awwer renne is vorbei Vegangeheit begreife, Ge’ewart vestehn un vun Nobelpreisträger lerne, Annahme treffe, in die Zukunft sehe, klingt wie e Flug zu ferne Sterne. Oft war es richtig, selte nur denäwe, wie ma die Zukunft ingeschätzt. Wirtschaft un Mensche kenne dodurch besser läwe. Globale Welte sin venetzt. Wohin mei Weg mich fiehrt Die Ziele sin jetz nei Ich han alle definiert Awwer renne is vorbei Ich glaab ich war e guter Chef, war e Vorbild, wa fair un gerecht, schätze die Leistung als hohen Wert sorg mich, dass Kennem e Leid widerfährt. Jetz kann ich endlich tun un lasse was ich will, brauch mich fa nix meh zu verreiße. Greif zur Gitarre, schreiwe Lieder, die ich sing, schätz Freindschaft, Heimat un v’reise. E bissche bleibt noch immer iwerig vum Beruf, ich kann noch hier un do metmache! Vorsicht net renne, langsam gehn, un nur die Ruh! Un sich net zum Affe mache! Wohin mei Weg mich fiehrt Die Ziele sin jetz nei Ich han alle definiert Awwer renne is vorbei
  (Welturaufführung: Mundartsymposium Bosener Mühle am 5. Mai 2018) Text & Musik: Johannes Lapré

  Schließen