Beiträge zum Symposium

• Letscht Woch in Boose
  ×

  Letscht Woch in Boose

  Wie gross Deitschland iss, hann ich joo in der Schul geleehrt- awwer wie hoch unn wie bräät - das net ! Von Bayern hat mer joo schommoo geheert - unn von de Ostfriese - awwer wir platt die schwetzte - oh leck ! Mennsche, do hättschde Ebbes verstann, wenn die die Gosch offgemacht hann - noch nemmoo Bahnhof, saan ich der, noch nemmoo Bahnhof Dass mer mit dene sesamme ebbes aanstelle kennt, e gansie Woch lang, hätt ich net gedenkt. Jodele wollt der Ään, das hat mer grad noch gefählt. Mir reichts Kuffstäänlied äämoo im Johr noom Schifahre, wann ich genuch Jagertee im Kopp hann. Ich hann immer gemennt, ich kennt gut platt schwetze, awwer wenn das Mäde von do owwe losgeläät hat, do hann ich gedenkt, ich komm aa aus de Albe. Unn e Elsässer war aa debei, der hat kää Deitsch geschwetzt unn kää Franseesisch, konnt awwer gans gutt Gidda. So, was machschden jetz mit so drei Leit? Nur gutt, dass ich so gutt hochdeitsch kann, sonscht hädde mer e Dollmetscha gebraucht. Awwer sem Glick hatt´s geräänt, do braucht mer sich net iwwers Wedder se unnerhalle (hätt mer sich jo aa vorher denke kenne: SR3 (Sräänt 3 Daach lang) ) Was iss uns iwwerisch geblieb, wie Mussik se mache. Wenischens das hat hingehau. Wann der Bayer aangefang hat erumsejodele, do hat mer gemerkt, dasser e ganz kloorer Kerl iss unn´s Herz am reschde Flegge. Awwer das Friesemäde hat uns Kerle gescheischt, wammer se faul ware unn gäre e länger Gimbsche gemacht hädde , middachs noom Esse _ Abrobo - Mir hann immer gutt gess, wie mer das im Saarland net annerscht geweent iss unn dann statt erum se glunsche zwische de Kelde unn de Hunne, zwischem Schambersch unnem Pedersbersch hammer uns nur es Allernedischde aangeguckt unn sinn immer nur doohingefahr, wo`s aa ebbes Guddes se Esse genn hat. Unn als iss uns der Manfred mim Iwan hinnerhergefahr unn wann de aan nix Beeses gedenkt hascht, hadder es Susanne es Migrofon vor die Nas gehall unn wollt, das mer ebbes Schlaues saat odder ebbes Scheenes singt. Manschmoo midde beim Esse. Mer konnt sich grad noch de Mund abbutze Awwer scheen wars doch die Woch ! Die drei Kollesche hott ich deletscht ins Herz geschloss unn aa e bissje verstann, was se gesung hann. E bissje Jodele hann ich gelehrt, ganz langsam erscht emoo, unn wann de Sersch widder moo so e droggener Witz erausgeloss hat, hat mer fascht vergess dass er e Wagges iss. Es Insina, ( was fir e Name) das war das Mäde wo in kä Ostfriesewitz erenngebasst hätt, das konnt mer aa ganz gutt hann, ausser wanns prowiert har mit uns „Abendstille“ off Ostfriesisch se singe. Alles was recht iss ! Ich gäng saan, das do kennt mer grad nommoo mache. Awwer bidde die Speisekaat vorher erumschigge, Madina, doo wääs mer gleich wo´s lang geht . Allee! Momend emoo ! Fascht hädd ich de letschde Owend vergess. Do sinn jo e Haufe Leit komm, wo heere wollde, was mir Vier sesamme off die Bään kritt hann in dere Woch . Die hann gans scheen die Ohre offgeschberrt unn zugeheert, hann mitgemacht unn sich an de Hänn gehall beim Alfons seim Lied. Oh leck, das iss uns all gans scheen ans Herz gang. Hinnenoo hammer noch e Gläsje mit de Leit getrunk unn uns gefreit, dass es all so gutt gefall hat. Uns aa, Ei jo.

  Schließen
• Mir im Saarland
  ×

  Mir im Saarland

  Mir kenne mee als wie nur schwenke unn nur an Maggi unn Lyoner denke mir sinn kloor awwer net bleed saan:“ c´est la vie!“, wenn was denewe geht mir hann schon mee wie Worscht gestemmt ei das wär doch gelacht Es kommt net off die Greeß aan s kommt droff aan, was mer draus macht Net jed Familie heischt bei uns Becker Wenn mir „oh Leck“ saan schmeckt´s net immer lecker Hauptsach gutt gess, das bin ich mied wie das Gefooz vom kläne Saargebiet Mir hann schon mee wie Worscht gestemmt ei, das wär doch gelacht Es kommt net off die Greeß aan ´s kommt droff aan, was mer draus macht Wammer sisch sitt do saat mer unn unn schwetzt net ewisch um de Brei erum wanns Huddel gebbt - net lang geschennt Jeder kennt ääner wo ääner kennt Mir hann schon mee wie Worscht gestemmt ei das wär doch gelacht Es kommt net off die Greeß aan s kommt droff aan was mer draus macht Dass mer frier franzeesisch ware merkt mer an Allee hopp unn Trottoire an Chaiselong, Fromage de Brie so gutt wie do gings Gott in Frankreich nie Mir hann schon mee wie Worscht gestemmt ei das wär doch gelacht Es kommt net off die Größ aan ´s kommt droff aan, was mer draus macht

  Schließen